Müsahibə

Zərdüşt Əlizadə: "Rusiya çox böyükdür, küncə yerləşməz"

28 Mart, 2018
2603
Amerika Birləşmiş Ştatları, Kanada, Ukrayna, Fransa, Çex Respublikası, Finlandiya, Danimarka, Latviya, Litva və Hollandiya keçmiş Rusiya kəşfiyyatçısı Sergey Skripalın və onun qızı Yulianın İngiltərədə kimyəvi zəhər hücumuna məruz qalmasına görə çoxsayda rusiyalı diplomatı öz ərazilərindən çıxarır.

Kreml martın 26-da ABŞ-ın və bir sıra Avropa dövlətlərinin rusiyalı diplomatları ölkədən çıxarmaq qərarını pisləyib və bunu "səhv addım” adlandırıb. 

Avropa İttifaqı ölkələrindən ümumilikdə 31 Rusiya diplomatı çıxarılır. Almaniya, Fransa və Polşa – hərəsi 4 diplomatı "persona non grata” elan ediblər.

Avropa Şurasının prezidenti Donald Tusk deyib ki, ittifaqın 28 üzvündən yarısı rusiyalı diplomatların geri göndərilməsi barədə qərar qəbul edib və yaxın günlər və həftələrdə Aİ çərçivəsində yenə də belə addımların atılması istisna edilmir.

Bu hadisə ilə əlaqədar prezident Vladimir Putinin sözçüsü Dmitri Peskov diplomatların qovulmasından bərk təəssüf hissi keçirdiyini deyib. O, həm də qeyd edib ki, Vladimir Putin bu qərarla əlaqədar Rusiyanın cavab reaksiyasını bəyan edəcək.

ABŞ prezidenti Donald Tramp onlarla Rusiya "kəşfiyyat zabiti”nin ölkədən çıxarmağa, Sietldəki Rusiya konsulluğunu bağlamağa göstəriş verib. 

Media isə ölkədən çıxarılan rusiyalıların sayının 60 olduğunu xəbərləyir. 

Toplum Tv mövzu ilə bağlı siyasi şərhçi Zərdüşt Əlizadənin fikirlərini öyrənib.

- Zərdüşt bəy, bəzi analitiklər Rusiyaya qarşı diplomatik demarşı Qərb və Rusiya arasında soyuq müharibənin başlanması kimi qiymətləndirir.

- Tamamilə düzgündür. Müharibədə heç bir məntiqi qanunlara, hansısa bir ədəb qaydalarına riayət olunmur. Müharibə olmasa, hər hansı bir hərəkət haqqında bəyanət verəndə, o hərəkətin həqiqətən baş vermədiyini, bu barədə mütəxəssislərin fikrini, məhkəmə rəyini soruşurlar. Müharibə vaxtı isə tərəflər bir-birlərini şərləməyə, onu şeytan kimi göstərməyə çalışır. Artıq Qərb dünyası Rusiyanın günahkar olub-olmamasını nəzərə almadan, hər hansı bir cinayəti, qanunsuz hərəkəti onun elədiyini elan edir, sonra buna görə  Rusiyanı cəzalandırır. İndi də Stefanın zəhərlənməsi sübuta yetmir. Rusiyaya onu zəhərləmək heç lazım da deyil. Amma Qərb hesab edir ki, Stefanı zəhərləyib bunu Rusiyanın üzərinə atmaq və bununla da Rusiyaya qarşı növbəti təzyiqi həyata keçirmək olar. Bu da Rusiyaya əcəb olur, çünki Rusiya özü ondan zəif dövlətlərlə, məsələn, Azərbaycanla, Gürcüstanla, Moldova, Ukrayna kimi dövlətlərlə eyni qanunsuz və vicdansız, ədalətsiz hərəkətlərə əl atır. Odur ki, nə tökür aşına, o da çıxır qaşığına. İndi də Qərb ona qarşı bu cür təzyiqlərdən istifadə edir.

- Diplomatik cəzanın ardınca iqtisadi sanksiyaların da tətbiq ediləcəyi ehtimalı varmı?

- Sanksiyalar artıq iki ildir tətbiq edilir. Rusiyaya qarşı sanksiyalar heç vaxt kəsilmir. Qərb həmişə Rusiyaya qarşı sanksiya tətbiq edir. Yüksək texnologiyaları verməkdən imtina edir, onun inkişaf etmiş elmi tutumlu sahələlərin məhv edilməsinə çalışır. Rusiyadan yalnız xammal alır. Şübhəsiz ki, növbəti tədbirlər ondan ibarət olacaq ki, Rusiyanın yüksək vəzifəli oğrularının öz xalqalarından oğurlayıb Qərb banklarına yerləşdirdiyi pullar müsadirə olunacaq. Rusiyaya qarşı başqa cəza tədbirləri, məsələn, "Şimal axını 2” qaz kəmərinin çəkilməsinə mane olacaqlar. Çalışacaqlar ki, Türkiyə S400 raketlərini Rusiyadan almasın və s. Cəza tədbirlərinin çeşidinin sonu yoxdur. 

- Bu hadisəni Rusiyanın küncə sıxıçdırılması kimi qiymətləndirmək olarmı?

 - Rusiyanı küncə sıxışdırmaq mümkün deyil. Azərbaycanı, Ermənistanı, Moldovanı, Ukraynanı küncə sıxışdırmaq olar. Amma Rusiya çox böyükdür, küncə yerləşməz. 

- Hadisələrin sonrakı inkişafını necə proqnozlaşdırırsınız? 

- İki nəticə ola bilər. Birincisi, əlbəttə ki, nəzəri fikirlərdir. İkincisi, Putin layiqli cavab vermək üçün başlayır Qərbdən asılı olan oğru, satqın hakim elitanı həbs eləməyə, onları cəzalandırır, rüşvətxorların pullarını alır və həmin pullarla başlayır öz iqtisadiyyatını inkişaf etdirməyə. Nəhayət, Rusiyanın hakim zümrəsi toplanır, Putini devirir və artıq Rusiyanı Qərbin ayağının altına sərir və deyir ki, gəl ayağını sil, keç, Rusiyanın sərvətlərini nuş elə. Vəssalam, təki bizə dəymə...
 
- Bu hadisə postsovet ölkələrinə necə təsir edəcək?

- Rusiya 1991-ci ildən sonra özünü o qədər ədəbsiz aparıb ki, başına nə gəlirsə gəlsin, postsovet ölkələri buna yalnız sevinərlər. 

- Rusiyanın xarici işlər naziri Sergey Lavrov deyib ki, ABŞ Rusiyaya qarşı nüvə silahı işlətməyə hazırlaşır. Bu bəyanatı necə şərh edərdiniz?  

- Bu sözdə müəyyən bir məntiq var. Amma Lavrov onu gərək daha dəqiq deyərdi. Deyərdi ki, Amerika nüvə silahını işlətmək niyyəti ilə eyni zamanda bəşəriyyətin sonunu sürətləndirmək istəyini ortaya qoyub. Yəni inanın ki, nüvə silahının işlənildiyi müharibə bəşəriyyətin sonu olacaq. Yer kürəsində həyatın sonu olacaq. Ola bilər tarakan kimi, kərtənkələ kimi varlıqlar qalacaq, amma bəşəriyyətin sonu olacaq.

Alya Ağayeva
Toplum.Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Müsahibə

İH şöbə müdiri: Problem müharibə iştirakçılarının işsizliyidir

17 İyul 2022

Toplum TV

Qazi Elvin Cəfərovun Sabirabad rayon İcra Hakimiyyəti qarşısında özünü yandırmasından sonra Toplum TV icra başçısı Siraqəddin Cabbarova  iki  dəfə müsahibə üçün müraciət edib, ancaq başçı hər dəfə çox məşğul olduğunu bildirərək müsahibə verməyib. Suallara  Sabirabad rayon İcra Hakimiyyəti yanında Vətən müharibəsi iştirakçıları və şəhid ailələri ilə işin təşkili şöbəsinin müdiri Müslüm Rzayev cavab verib. -Elvin Cəfərovdan başqa da Sabirabadda qazi intiharları olub. Sizcə niyə qazilər etiraz üçün son varianatı - intiharı seçirlər? - Özünü asan qazini nəzərdə tutursunuz yəqin. Onun da ailəsi intiharın səbəbi ilə bağlı müraciət edib, bizim rəhbərlik onları qəbul edib, dinləyib. Kim bu barədə soruşursa, öyrənmək istəyirsə,...
Müsahibə

Rasim Balayev AKİ-yə sədr seçildi

31 May 2022

açıq mənbədən götürülüb

Azərbaycan Kinematoqrafçılar İttifaqının (AKİ) İdarə Heyətinin ümumi yığıncağı baş tutub. Report-un xəbərinə görə, Xalq artisti Rasim Balayev ittifaqın sədri seçilib. Toplantını Azərbaycan Yazıçılar Birliyinin sədri, Xalq yazıçısı Anar Rzayev açıb və ittifaqın sədrliyinə Rasim Balayev namizədliyinin irəli sürüldüyünü deyib. Anar Rzayev seçkinin açıq səsvermə ilə keçirilməsini təklif edib və onun təklifi qəbul olunub. Açıq səsvermə ilə Rasim Balayev Azərbaycan Kinematoqrafçılar İttifaqının yeni sədri seçilib. İttifaqın əvvəlki sədri Xalq yazıçısı Rüstəm İbrahimbəyov martın 10-da Rusiyada vəfat edib. O, Birinci Fəxri Xiyabanda dəfn olunub.

Seçilmiş Videolar

Toplum TV loqo