Siyasət

Təxribatlar haradan qaynaqlanır? - MÜSAHİBƏ

19 İyul, 2018
2994
Elman Məmmədov: "Bu sual mənə ünvanlanacaq sual deyil”

İyulun 3-də Gəncədə icra hakimiyyətinin başçısına qarşı həyata keçirilmiş sui-qəsd və bu hadisədən sonra iki polis məmurunun öldürülməsi ilə nəticələnən aksiya rəsmi məlumatlarda və bir çox dövlət məmuru, eləcə də deputatların bir çoxu tərəfindən xarici qüvvələrin təxribatı kimi qiymətləndirildi.  Amma bu təxribatın hardan, hansı istiqamətdən, konkret olaraq hansı ölkədən gəldiyi barədə açıqlama verilmədi. 

Bəs, görəsən, ölkədə qarışıqlıq yaratmaq istəyən xarici qüvvələr kimlərdir? 

Mövzu ilə əlaqədar Toplum Tv ilk olaraq Milli Məclisin Müdafiə, təhlükəsizlik və korrupsiya ilə mübarizə komitəsinin üzvü, hakim Yeni Azərbaycan Partiyasından olan deputat Elman Məmmədova müraciət edib. 

-  Elman müəllim, Gəncədə baş verən hadisələr və ondan sonra baş verənlər rəsmi şəxslər və rəsmi qurumlar tərəfindən xarici qüvvələrin Azərbaycana təxribatı kimi qiymətləndirildi. Sizcə, nəyə əsaslanıb bunları xarici qüvvələrin təxribatı adlandırırlar?

- Onu hüquq mühafizə orqanlarının verdiyi rəsmi məlumatlardan oxuyun, oradan aydın olacaq nəyə əsaslanıb.

- Bəs maraqlıdır, sizin bu məsələ ilə bağlı mövqeyiniz necədir?

-  Mənim mövqeyim hökumətin mövqeyi ilə eynidir. Rəsmi bəyanatlarda nə yazılırsa, dövlətin mövqeyi necə göstərilirsə, mənim də mövqeyim o cürdür.                                                                                                                             
- Bəs sizcə, Azərbaycanda təxribatı hansı qüvvələr törətməkdə maraqlıdır? Azərbaycanda baş verən belə təxribatların arxasında hansı xarici qüvvələr dayanır?

-  Bunlar hamısı rəsmi bəyanatlarda  gedib. Mənim təzədən xırdalamağıma ehtiyac yoxdur. Rəsmi bəyanatlar var, hamısı da dəqiqliklə verilib. Rəsmi bəyanatda suallarınızın cavabı var.

- Rəsmi bəyanatllarda konkret ad çəkilməyib, sadəcə xarici qüvvələr deyilir. Bizi də maraqlandıran odur ki, bu xarici qüvvələr hansı qüvvələrdir?

-  O xarici ölkələrin hansı olduğunu bilən, bu işlə məşğul olan müvafiq hüquq mühafizə orqanları var. Dövlət Təhlükəsizlik Xidməti var, Baş Prokurorluq var, Daxili İşlər Nazirliyi var, onların mətbuat orqanlarına müraciət edin, onlar sizə məlumat versinlər. Məndə belə məlumatlar yoxdur.

- Ola bilərmi, bu təxribatlar Azərbaycanın beynəlxalq siyasəti ilə bağlı olsun? Yəni Azərbaycanı öz yanında görmək istəyən xarici qüvvələr bundan təhdid kimi istifadə etsinlər?

- Xeyr.

-  Azərbaycanda bu təxribatı törətməkdə maraqlı qüvvələr nəyə nail olmaq istəyirlər, təxribat törətməkdə məqsədləri nədir?

- Bilirsiniz, təxribatların törədilməsində hansı qüvvələrin ki əli var, təbii ki, onlar Azərbaycanın dövlətçiliyinə qarşı, inkişafına qarşı, əmin amanlığımıza qarşı, daxili stabilliyimizə qarşı yönəldilmişdir. Məqsəd Azərbaycanda daxili stiabilliyi pozmaq, asayişı pozmaq, təxribatlar yaratmaq və Azərbaycanı Suriyanın, İraqın və başqa bu cür ölkələrin gününə salmaqdır.

- Təxribatların arxasında dayanan xarici qüvvələrə qarşı nə kimi tədbirlər həyata keçirmək mümkündür? Onlara qarşı niyə ölçü götürülmür?

- Bu sual mənə ünvanlanacaq sual deyil. Nələr edilə bilər, nələr ediləcək, artıq onu müvafiq hüquq mühafizə orqanlarına ünvanlayın. Mən o barədə nə isə deyə bilmərəm.

- Siz axı Milli Məclisin Müdafiə, Təhlükəsizlik və Korrupsiya ilə Mübarizə Komitəsində yer alan deputatsınız.

-  Doğru deyirsiniz. Ancaq bilirsiniz, o qüvvələrə qarşı hansı tədbirlər görülə bilər və ya görüləcəkdir,  onu demək mənim səlahiyyətimdə deyil. Bu, müvafiq hüquq mühafizə orqanlarının səlahiyyətindədir. Mən onlar əvəzindən cavab verə bilmərəm axı?!

-  Dövlətin qanun qəbul edən orqanı olan Milli Məclisdəsiniz və deputatsınız. Bir deputat olaraq nə təklif edə bilərsiniz? Ən azından təklifetmə haqqınız var. Nə kimi tədbirlər görülə bilər?

- Mən millət vəkili olaraq, eyni zamanda vətəndaş olaraq istəyirəm ki, mənim ölkəmdə, vətənimdə əmin-amanlıq, daxili sakitlik olsun, vətəndaşlarımızın asayişi, dövlətçiliyimiz, təhlükəsizliyimiz qorunsun. Buna görə də hüquq mühafizə orqanlarından  həm xahiş edirik, həm də tələb edirik ki, istənilən qanunsuz hərəkətlərin qarşısının alınması üçün tədbirlər görülsün.

Əminə Məmmədova
Toplum.Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo