Siyasət

"Polisə müqavimət ittihamı doğru deyil" - Hüseyn Məlikin vəkili

18 Dekabr, 2018
940
«Saxlandığım bölməyə Xətai rayonundan bir əməliyyat müvəkkili gəldi. Dedi ki, «bilirsən də, səni niyə tutublar». Cavab verdim ki, «yox». Qayıtdı ki, «prezident haqqında status yazmısan, təhqir eləmisən». Bildirdim ki, «birincisi, mən heç kimi təhqir eləməmişəm. Eləmişəmsə də, yazın ki, buna görə tutmuşuq, daha polisə müqavimət nədir?», – Azərbaycan Demokratiya və Rifah Hərəkatının (ADR) İdarə Heyətinin üzvü Hüseyn Məlik məhkəmədə həbsi barədə danışarkən deyib.

Dekabrın 5-də Səbail Rayon Məhkəməsinin qərarıyla polisin qanuni tələbinə tabe olmamaqda təqsirli bilinib 25 sutka inzibati həbs cəzası alan H.Məlik həmin qərardan apelyasiya şikayəti verib. Dekabrın 18-də Bakı Apelyasiya Məhkəməsində onun şikayətinə baxılarkən H.Məlik özü də, vəkili də deyib ki, polisə müqavimət ittihamı doğru deyil. Onu gecə saat 1 radələrində gəlib evindən aparıblar.

«İki nəfər idilər, biri mülki geyimdə, o biri də polis formasında. Birbaşa Səbail rayonu, 41-ci bölməyə apardılar. İki nəfəri üzümə qoydular ki, guya polisə müqavimət göstərmişəm. Məni aparanda güclə geyindim, heç zəng eləməyə imkan vermədilər. Telefonumu da əlimdən almışdılar», – H.Məlik bildirib.

Siyasi fəalın dediyinə görə, bölmədə səhhəti pisləşib, polislər Təcili Tibbi Yardım çağırıblar.

Məhkəmədə hüquqlarını müdafiə etmək üçün H.Məlikə dövlət hesabına vəkil təyin olunub. Deyir ki, vəkilin YAP üzvü olduğunu biləndə onun xidmətindən də imtina edib: «Telefonumu açmaq üçün kodunu istəyirdilər, vermirdim. Bir nəfər çağırdılar ki, gəlib açsın. Gördüm ki, xarab eləyəcəklər, özüm verdim. Facebook hesabıma girib, iyun ayına qədər bütün statuslarımı sildilər. Bunun özü də sübut edir ki, məni məhz statuslarıma görə həbs ediblər. Məhkəmə də cəmi 4 dəqiqə çəkdi. Heç mənə danışmağa imkan vermədilər. Gəlib 25 sutkalıq qərarı oxudu».

H.Məlik bildirib ki, apellyasiya məhkəməsindən də ədalət gözləntisi yoxdur. İnamı olmadığına görə də hakimdən heç nə xahiş etmir: «Çünki bu, ədalət məhkəməsi deyil, YAP məhkəməsidir. Mən xahiş eləmirəm, sadəcə, deyirəm ki, qərarı ləğv eləyin».

Hakim Kamran Əkbərov heç kürsüdən tərpənmədən, müşavirə otağına getmədən Səbail Rayon Məhkəməsinin qərarının qüvvədə saxlandığını elan edib.

H.Məlikin yaxınları AzadlıqRadiosuna bildirib ki, inzibati həbs işlərində ölkə daxilində sonuncu müdafiə vasitəsi apellyasiya məhkəməsidir. Ona görə də növbəti hüquqi addım bu qərardan Avropa Məhkəməsinə şikayət etmək olacaq.

H.Məlikin üzvü olduğu Azərbaycan Demokratiya və Rifah Hərəkatını başda iqtisadçı Qubad İbadoğlu olmaqla, 2014-cü ilin dekabrında Müsavat Partiyasının bir qrup keçmiş üzvü yaradıb.

Azadlıq Radiosu

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo