Siyasət

Penitensiar Xidmət: "Biz hansı əsrdə yaşayırıq ki?"

17 Oktyabr, 2018
6377
Rəsul Cəfərov: "İşgəncə, qeyri-insani davranışlar, ləyaqəti alçaldan cəzalar Konvensiyaya ziddir"

Hazırda məhkumluq həyatı yaşayan jurnalist Əfqan Muxtarlı oktyabrın 7-də "karsa” (cərimə kamerasına) salınıb.

Bu barədə jurnalistin həyat yoldaşı Leyla Mustafayeva məlumat verib.

O bildirib ki, jurnalistin cəzalandırlması onun tibb məntəqəsinə icazəsiz getməsi olub: "Amma bu, bəhanədir. Əslində Əfqan Muxtarlı dərman üçün icazə alıb məntəqəyə gedib. Əsl səbəb onun AXCP üzvü Məmməd İbrahimin yastığının altında bıçaq gizlədilməsinin təşkil edilməsinə etirazı idi”.

Leyla Mustafayeva əlavə edib ki, Əfqan Muxtarlını soyundurub yağışlı havanın altında saxlayıblar: "Onu 1 saatdan artıq "kars”da saxladıqdan sonra buraxıblar, amma telefon danışıqlarına məhdudiyyəti daha da artırıblar”.

Hüquq müdafiəçisi Rəsul Cəfərov Toplum.tv-yə açıqlamasında bildirib ki, son günlərdə siyasi məhbuslara qarşı cəzaçəkmə müəsissələrində qeyri-insani rəftar və işgəncələrin edilməsini yalnız bunu qınaya bilərik: "Bu, ölkənin daxili qanunvericiliyinə, həm də beynəlxalq hüquq prinsiplərinə, eyni zamanda, Azərbaycann qoşulduğu sənədlərə və həmin sənədlərə qoşularkən üzərinə götürdüyü öhdəliklərə zidd addımlardır. Məsələnin digər tərəfi də ondan ibarətdir ki, bu, çox ciddi formada qisas siyasətinin aparıldığını göstərir. Çünki qanunsuz və saxta ittihamlarla həbs azmış kimi, bu şəkildə həbs olunan siyasi məhbuslara qarşı cəzaçəkmə müəsissələrində əlavə işgəncə və təzyiqlərin göstərilməsi, bəzi hallarda konkret işgəncə faktlarının olması qınanılmalıdır. Hüquq müdafiəçisi olaraq onu deyə biəlrəm ki, ata biləcəyimiz bir neçə addım var. İlk növbədə, həm ölkə daxilində, həm ölkə xaricində bu kimi məsələləri beynəlxalq təşkilatlar səviyyəsində qaldırmaq və məlumatlandırmaq olar".  

R. Cəfərov başqa bir xüsusi bir məqamı vurğulayıb: "Avropa Şurası ilə Azərbaycan arasında müəyyən fəaliyyət planı icra edilir. Sonuncu dəfə 2014-2017-ci illərdə icra edilib və hazırda 2018-2021-ci illərdə ərzində fəaliyyaət planının yeni versiyası hazırlanır. Məncə, biz çox ciddi şəkildə həmin fəaliyyət planını həyata keçirmək istəyən tərəflərə mesaj verməliyik ki, ölkədə siyasi məhbuslara qarçı bu cür davranış göstərildiyi halda bu fəliyyət planlarının effektiv olmayacaq. Mümkün ola biləcək bütün vasitələrdən istifadə edib siyasi məhbus problemini həll etmək lazımdır. Heç olmasa, onlara qarşı göstərilən bu davranışların qarşısının alınması üçün bu vacibdir. İşgəncə, qeyri-insani davranışlar, ləyaqəti alçaldan cəzalar  Avropa İnsan Haqları Konvensiyasının yeganə maddəsidir ki, heç bir halda pozula bilməz". 

Penitensiar Xidmətin mətbuat katibi Mehman Sadıqov deyib ki, işgəncə verilməsi haqqında səsləndirilən fikirlər əsassızdır: "Bizdə heç kimə işgəncə verilmir. Qanunvericilikdə nəzərdə tutulmuş müxtəlif tədbirlər var, o cümlədən həm həvəsləndirmə, həm də tənbeh tədbirləri. Hər bir məhkumun borcudur ki, daxili nizam qaydalarına ciddi riayət etsin. Əgər məhkum həmin nizam qaydalarına riayət etmirsə, onunla profilaktik iş aparılır. Əgər bu da nəticə vermirsə, töhmət verilir. Hər hansı işgəncədən söhbət belə gedə bilməz. Eyni zamanda qanunvericilik ona yol verir ki, əgər məhkum  onun barəsində çıxarılmış bu və ya digər qərardan narazıdırsa aidiyyatı orqanlara müraciət edə bilər. Yağışın altında saxlamaq məsələsi isə absurddur. Məhkumu necə yağışın altında saxlamaq olar? Biz hansı əsrdə yaşayırıq ki? Əksinə biz məhkumlar üçün hər cür şərait yaratmışıq".
  
Ə.Muxtarlı 2017-ci ilin mayında həbs edilib. Rəsmi orqanlar onu Gürcüstan-Azərbaycan sərhədini qeyri-qanuni keçməkdə ittiham etsələr də, o, özü Tbilisidə oğurlandığını və Azərbaycana gətirildiyini deyib.

Azərbaycanda məhkəmənin qərarı ilə Ə.Muxtarlı 6 il müddətinə azadlıqdan məhrum edilib.
 
Türkan Bəşir
Toplum TV

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo