İqtisadiyyat

Ekspert: "Bahalaşma olacaq"

12 Fevral, 2019
1450
Yeni ilin ilk ayında istehlak məhsullarının və xidmətlərin qiymətləri ötən ilin yanvar ayına nisbətən 1,7 faiz artıb. 

Dövlət Statistika Komitəsinin (DSK) məlumatında belə deyilir. Bildirilir ki, 2018-ci ilin dekabr ayı ilə müqayisədə yanvarda istehlak məhsullarının və xidmətlərin qiymətləri 0,2 faiz, o cümlədən ərzaq məhsulları, içkilər və tütün məmulatlarının qiymətləri 0,9 faiz, qeyri-ərzaq mallarının qiymətləri 0,2 faiz bahalaşıb, əhaliyə göstərilən ödənişli xidmətlərin qiymətləri isə 0,8 faiz ucuzlaşıb. 

Bu ilin yanvar ayında düyünün, un məmulatlarının və qarabaşaq yarmasının, makaron məmulatlarının, qoyun və mal ətinin, suda bişmiş kolbasanın, balıq məhsullarının, süd məhsullarının, kərə və bitki yağlarının, limonun, naringinin, bananın, almanın, armudun, heyvanın, narın, kivinin, qozun, fındığın, kələmin, göyərtinin, xiyarın, pomidorun, bibərin, badımcanın, çuğundurun, kartofun, soğanın, şəkər və şəkər tozunun, energetik içkilərin, spirtli içkilərin qiymətlərində bahalaşma, toyuq ətinin, yumurtanın, hisə verilmiş, yarım hisə verilmiş kolbasaların, portağalın, şabalıdın, yerkökünün qiymətlərində isə ucuzlaşma müşahidə olunub.

Kənd təsərrüfatı üzrə mütəxəssis Vahid Məhərrəmlinin sözlərinə görə, bazarda aparılan müstəqil araşdırmalar Dövlət Statistika Komitəsinin açıqladığı göstəricilərdən fərqli nəticələr göstərib. Belə ki, bazarlarda qiymətlərin 16 faiz artması müşahidə edilib. 

"Mağazalarda və bazarlarda qiymətlərdə fərqli şəkildə artım var. Qiymət artımı xüsusən meyvə-tərəvəz və digər ərzaq mallarının qiymətində müşahidə olunur,” – mütəxəssis vurğulayıb. 

Onun sözlərinə görə, bu tendensiya belə də davam edəcək. Hətta quş ətinin, yumurtanın və mal ətinin də qiymətində artım olacaq: "Bunun başlıca səbəbi odur ki, istehsal son zamanda ciddi şəkildə azalıb. Bununla bərabər, alıcılıq qabiliyyəti də zəifləyib. Kənd təsərrüfatı ilə məşğul olan sahibkarlar istehal etdikləri malları bazara çıxarmaq iqtidarında deyillər. Onlara şərait yaradılmır, yaradılsa belə alıcılıq qabiliyətinin azalması imkan vermir ki, mallarını realizə etsinlər”.

Ekspert Toplum.Tv-yə deyib ki, son zamanlar ölkəyə ərzaq məhsulları ilə yanaşı kənd təsərrüfatı mallarının idxalı da artıb. 

"İddia edildiyi kimi quş ətinin, yumurtanın və mal ətinin qiymətinin artmama səbəbi keçən ilə görə bu malların ölkəyə idxalının artmasıdır. Bu il quş əti idxalı 25 faiz artıb. Bir tərəfdən istehsal azalıb, digər tərəfdən də idxal artıb. İdxalın artımı da qiymət artmasına gətirib çıxarır. Sahibkarlar ölkəyə gətirdiyi məhsulların xərci çox olduğu üçün çalışıb baha qiymətə təklif edib, daha çox qazanc əldə etmək istəyirlər. Ölkədə yaranmış bu situasiya xaricdən məhsul gətirən sahibkarlar üçün əlverişlidir,” – Vahid Məhərrəmli vurğulayıb. 

Əbülfət Baxşəli
Toplum.Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

İqtisadiyyat

Avropa İttifaqı Azərbaycanla qaz ticarətini iki dəfə artıracaq

1 Mart 2024

Rəsmi səhifə

"Azərbaycan etibarlı tərəfdaşdır və əməkdaşlığımızda onun genişləndirilməsi üçün güclü potensial var". Toplum TV xəbər verir ki, bunu martın 1-də Cənub Qaz Dəhlizi Məşvərət Şurası çərçivəsində nazirlərin 10-cu iclasındakı çıxışı zamanı Avropa İttifaqının energetika məsələləri üzrə komissarı Kadri Simson deyib. O çıxışında bildirib ki, bu gün Avropaya Cənub Qaz Dəhlizindən gedən qazın həcmi 2021-ci illə müqayisədə 46 faiz çoxdur:  “Biz ümidvarıq ki, Azərbaycandan daxil olan təbii qaz Avropanın enerji sistemində enerji keçidi zamanı mühüm rol oynayacaq. Rusiyanın artan zorakılığı və davam edən əsassız müharibə şəraitində tamamilə aydındır ki, Avropa üçün, əslində, işlərimiz Rusiya ilə enerji sahəsində əvvəlki kimi olmayacaq. Çünki hazırda...
İqtisadiyyat

İlham Əliyev: “Azəri-Çıraq-Günəşli”də təbii qaz hasilatı başlayacaq

1 Mart 2024

Rəsmi səhifə

"Gələn ilin birinci rübündə “Azəri-Çıraq-Günəşli” layihəsində təbii qaz hasilatı başlayacaq. Bu, çox perspektivli bir layihədir". Toplum TV xəbər verir ki, bunu Prezident İlham Əliyev Bakıda Cənub Qaz Dəhlizi Məşvərət Şurası çərçivəsində nazirlərin 10-cu iclası və Yaşıl Enerji Məşvərət Şurası çərçivəsində nazirlərin 2-ci iclasında söyləyib. “Azəri-Çıraq-Günəşli”nin uzun müddət Azərbaycanın neft ixracının əsas mənbəyi olduğunu söyləyən Prezident əlavə edib ki, bu, “Şahdəniz” və “Abşeron”dan başqa, ölkənin qaz təchizatı üçün əlavə mənbə olacaq. https://toplum.tv/iqtisadiyyat/pazerbaycanda-benzin-uumlccediluumln-goumlmruumlk-ruumlsumu-legv-edilibp İlham Əliyev çıxışında həmçinin Cənub Qaz Dəhlizindən danışıb: "Cənub Qaz Dəhlizi artıq üç ildir işləyir. Bu, uğur hekayəsidir. Bu, Avrasiya məkanında mühüm infrastruktur layihələrindən biridir. Bu, enerji təhlükəsizliyi, əməkdaşlıq...

Seçilmiş Videolar

Toplum TV loqo