Müsahibə

“İmzatoplamada heç bir təşkilata müraciət etməyəcəyik” - Natiq Cəfərli

31 Oktyabr, 2018
2547
Respublikaçı Alternativ Partiyası (REAL) Azərbaycanda "Mer İnstitutu"nun formalaşması və seçkilərin keçirilməsi təşəbbüsü ilə çıxış edib. 

Partiya bununla bağlı qanunvericiliyin tələbinə uyğun olaraq, 40 min imza toplamaq barədə qərar qəbul edib. 

Toplum.Tv REAL-ın imzatoplama kampaniyasına nə vaxt başlayacağı barədə Partiyanın Məclis üzvü Natiq Cəfərliyə suallar ünvanlayıb. 

- Natiq bəy, REAL imzatoplama kampaniyasına nə zaman başlayacaq?

- REAL-ın təşəbbüsü əsasən də Bakıda mer seçkilərinin keçirilməsidir. Devalivasiyadan sonra dəyən ziyana görə yaranan problemli kreditlərdən ziyan çəkən vətəndaş və biznes təşkilatlara dəyən ziyanın ödənilməsi ilə bağlı da qanun layihəsinin hazırlanır. Bu prossesi bitdikdən sonra ictimaiyyətə məlumat veriləcək və imza toplama kampaniyasına başlanacaq.

- Bəs partiyanın bu prosesi icra etmək üçün yetərli resursu varmı? Bu dəfə də "online" formasında imza toplayacaqsınız?

- İmzatoplama fərdi qaydada, "offline" şəkildə olacaq. Qanunvericiliyin tələbinə əsasən 40.000 imza vətəndaşların birbaşa iştirakı ilə toplanacaq. İmza toplandıqdan sonra qanun layihəsi Milli Məclisə təqdim olunacaq. İki ay müddətində Milli Məclis ya onu gündəliyinə daxil edəcək ya da, imtina edəcək. Amma imtina etsə, bunu əsaslandırmalıdır. Biz yaxın həftələrdə bu prosesi bitirib Milli Məclisə təqdim etməyi düşünürük. 

- Başqa siyasi təşkilatlardan dəstək alacaqsınızmı? 

- Hər hansı siyasi təşkilata müraciət etmək fikrimiz yoxdur. Biz vətəndaşları siyasi mənsubiyyətlərinə görə bölmürük və bu qanun layihəsi hamıya aiddir. Bütün vətəndaşlara müraciət edib, bizə dəstək olmaq istəyən könüllülərin, üzvlərimizin səyi nəticəsində qısa müddət ərzində bu imzanı toplamağa çalışarıq. REAL-ın rəsmi üzvlərinin sayı 2400-dən çoxdur, amma üzv olmayan könüllülər də var. Onların sayı rəsmi üzvlərdən qat-qat çoxdur.

- Sizcə, buna hökumətin reaksiyası necə olacaq? Təzyiqlər, basqılar olacağı təqdirdə nə etməyi düşünürsünüz?

- Təbii ki, maneələrin olması gözlənilir. Biz Azərbaycan Respublikası Konstitusiyası çərçivəsində hərəkət edəcəyik. İmzatoplama kampaniyasını da Konstitusiyanın bizə verdiyi hüquqlara əsaslanaraq aparacağıq. Təzyiqlər olsa, təbii ki, bu ictimailəşəcək. Hökumət belə addım atsa, bu kampaniyaya olan diqqəti də artıracaq. Biz ideyamızda israrlıyıq.

Gülzar N. Məmmədli
Toplum Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Müsahibə

İH şöbə müdiri: Problem müharibə iştirakçılarının işsizliyidir

17 İyul 2022

Toplum TV

Qazi Elvin Cəfərovun Sabirabad rayon İcra Hakimiyyəti qarşısında özünü yandırmasından sonra Toplum TV icra başçısı Siraqəddin Cabbarova  iki  dəfə müsahibə üçün müraciət edib, ancaq başçı hər dəfə çox məşğul olduğunu bildirərək müsahibə verməyib. Suallara  Sabirabad rayon İcra Hakimiyyəti yanında Vətən müharibəsi iştirakçıları və şəhid ailələri ilə işin təşkili şöbəsinin müdiri Müslüm Rzayev cavab verib. -Elvin Cəfərovdan başqa da Sabirabadda qazi intiharları olub. Sizcə niyə qazilər etiraz üçün son varianatı - intiharı seçirlər? - Özünü asan qazini nəzərdə tutursunuz yəqin. Onun da ailəsi intiharın səbəbi ilə bağlı müraciət edib, bizim rəhbərlik onları qəbul edib, dinləyib. Kim bu barədə soruşursa, öyrənmək istəyirsə,...
Müsahibə

Rasim Balayev AKİ-yə sədr seçildi

31 May 2022

açıq mənbədən götürülüb

Azərbaycan Kinematoqrafçılar İttifaqının (AKİ) İdarə Heyətinin ümumi yığıncağı baş tutub. Report-un xəbərinə görə, Xalq artisti Rasim Balayev ittifaqın sədri seçilib. Toplantını Azərbaycan Yazıçılar Birliyinin sədri, Xalq yazıçısı Anar Rzayev açıb və ittifaqın sədrliyinə Rasim Balayev namizədliyinin irəli sürüldüyünü deyib. Anar Rzayev seçkinin açıq səsvermə ilə keçirilməsini təklif edib və onun təklifi qəbul olunub. Açıq səsvermə ilə Rasim Balayev Azərbaycan Kinematoqrafçılar İttifaqının yeni sədri seçilib. İttifaqın əvvəlki sədri Xalq yazıçısı Rüstəm İbrahimbəyov martın 10-da Rusiyada vəfat edib. O, Birinci Fəxri Xiyabanda dəfn olunub.

Seçilmiş Videolar

Toplum TV loqo