Siyasət

"Azərbaycan Norveç səfirliyi olmadan da yaşaya bilər" - YAP rəsmisi

15 Noyabr, 2018
2038
Norveçin Xarici İşlər Nazirliyinin (XİN) yaydığı məlumata görə, 2019-cu ildə Norveçin Bakıdakı səfirliyi bağlanacaq. 

Eyni vaxtda isə səfirliyin Gürcüstanın paytaxtı Tbilisidə açılacağı planlaşdırılır.  

"Gürcüstan Avrasiya regionunda prioritet tərəfdaş ölkələrdən biridir. Uzun illərdir Avropa və Avro-Atlantik əməkdaşlıq strukturlarına yaxınlaşdıran islahatların gedişatını izləyir", - deyə nazirliyin  açıqlamasında qeyd edilib. 

Bununla bağlı Norveçin Azərbaycandakı keçmiş səfiri Steynar Gil iki ölkə arasında baş verən son hadisələrə münasibət bildirib.

O, Gürcüstanda fəaliyyətin daha asan olduğunu deyib: "Gürcüstan 2012-ci ildən Osloda səfirlik açıb. Gürcüstanda biz daim rahat işləmişik. Belə ki, bu ölkədə islahatlar fəal aparılır və Gürcüstan bizim dəyərlərimizi bölüşür. Eyni şeyi Azərbaycandakı rejim haqqında demək olmaz”.

REAL-ın Məslis sədri, politoloq Azər Qasımlı Toplum tv-yə bildirib ki, Azərbaycan klassik şərq despotik avtoritar ölkələrin yolu ilə gedir. Bu da Norveçin dəyərləri ilə  üst-üstə düşmədiyindən b ölkə belə bir qərar verib: "Norveçə  Azərbaycan nefti lazım deyil. Bu ölkənin "Əsrin müqaviləsi"ndə  payı var idi, daha sonra öz payını Malaziya şirkətinə satdı. Buna ehtiyacları olsa idi,  Azərbaycan  bazarından  çıxmazdılar. Norveç hansısa bir geopolitik, neft maraqlarını güdən ölkə deyil, sadəcə, Azərbaycan strateji baxımından əlverişli bölgədə yerləşdiyi üçün Bakıda Norveç səfirliyi açılmışdı. Hazırda isə region ölkələr ilə  müqayisədə Azərbaycan başqa bir istiqamətdə  inkişafını  qurub”.  

Politoloq hesab edir ki, Gürcüstan Avrotlantik məkana inteqrasiya edir və parlamentalizmin inkişafı, demokratik ənənələrin yaradılması nöteyi-nəzərdən bizdən irəlidədir: "Gürcüstan, Ermənistan parlamentar respublika qurub, azad, demokratik seçkilər keçirir. Azərbaycan isə həm demokratik institutların inkişafı,  həm seçki, həm də insan haqlarının hazırki vəziyyəti baxımından bölgənin ən geridə  qalmış ölkəsidir. Bu baxımdan, səfirliyin bağlanması istər Qarabağ münaqişəsinin həllində, istərsə də digər beynəlxalq məsələlərdə ölkənin mənfi imicini formalaşdırır”.

Yeni Azərbaycan Partiyasının funksioneri, deputat Aydın Mirzəzadə isə deyib ki, Steynar Gilin bəyanatının heç bir əsası yoxdur: " Azərbaycan Avropa Birliyinə inteqrasiyasında həmişə yüksək qiymət alıb. Hesab edirəm ki, Steynar diplomatik etik qaydaları pozur. Keçmiş səfir Azərbaycanda olanda da diplomatiyanı gözləməkdə maraqlı deyildi, açıq şəkildə siyasi müxalifəti dəstəkləyib, Azərbaycanın daxili işlərinə  qarışan bəyanatlar verirdi. Bu cür fikirlər səsləndirməsində heç bir məna yükü yoxdur. Gil bir fikrində haqlıdır ki, onun Azərbaycanın daxili işlərinə qarışmasına imkan verilmirdi”. 

Deputat qeyd edib ki, Norveçin Bakıda səfirliyi olduğu müddətdə Ermənistanda nümayəndəlik kimi qeydə alınmırdı: "Ümumiyyətlə, xarici ölkə səfirləri Azərbaycanda bir müddət səfir olduqdan sonra həyatının böyük hissəsini ancaq ölkəmizi tənqid etməklə keçirirlər. Səfirliyin bağlanmasında başqa bir sətiraltı məna isə Gürcüstanda açılacaq Norveç səfirliyinin Ermənistanda da nümayəndəliyi olmasıdı. Onun bəyanatlarının heç bir əsası yoxdur və Azərbaycan Bakıda Norveç səfirliyi olmadan da yaşaya bilər”.  

Nəzrin Bədəlli
Toplum.Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo