Siyasət

"“Azadlığın məhdudlaşdırılması” cəzası yüngülləşdirici cəzadır" - Ələsgər Məmmədli

9 Oktyabr, 2018
2595
Cinayət Məcəlləsinin 147-ci (böhtan), 148-ci (təhqir) və 148-1-ci maddələrinin sanksiyalarına yeni cəza növü əlavə edilə bilər. 

Milli Məclisdə "Azadlığın məhdudlaşdırılması” cəzasının  əlavə edilməsi ilə bağlı təklif irəli sürülüb.

Təklifə münasibət bildirən hüquqşünas Ələsgər Məmmədlinin sözlərinə görə, ümumiyyətlə, Azərbaycanda diffamasiya qanunvericiliyi ilə bağlı ölkənin üzərinə götürdüyü öhdəliklər icra olunmur: "Azərbaycan Avropa Şurası və Avropa Məhkəməsi qərarlarının icrası aspektindən diffamasiyanın dekriminallaşması  ilə bağlı öhdəlik götürmüşdü. Hətta 2011-də ölkə prezidenti milli fəaliyyət proqramı həyata keçirmək üçün bu "Diffamasiya haqqında” qanunun  qəbulunu milli fəaliyyət proqramına salmışdı. Lakin bununla bağlı heç bir addım atılmadı. Bundan sonra isə ardıcıl olaraq Cinayət Məcəlləsində həm sanksiyalar ağırlaşdırıldı, həm də yeni maddə  əlavə olundu (sosial mediada anonim hesabdan böhtan və təhqir olarsa)”. 

Hüquqşünas deyib ki, indi baş verənlər mövcud normaları daha da sərtləşdirmir və mahiyyət, sadəcə, daha bir sanksiya əlavə etməkdir: "Amma bu ən ağır sanksiya deyil. Çünki azadlığın məhdudlaşdırılması, azadlıqdan məhrumetmə ilə nisbətdə daha yüngül sanksiyadır. Bu, hakimlərə manevr imkanı verir ki, həbsə göndərmədən müvəqqəti məhdudlaşdırıcı normalar tətbiq etsinlər. Bildiyiniz kimi, 2 ildir ki, Cinayət Məcəlləsinə yeni bir tendensiya gətirildi. Yəni azadlığın məhdudlaşdırılması cəzası əslində məhkumların, mühakimə edilmiş şəxslərin qollarına, ayaqlarına müəyyən pranqaların vurulması məsələsini, eyni zamanda onların eyni ərazidə qalması, ev həbsi məsələsi formasında da tətbiq edilə bilər.  Hökmən deyil ki, bu cəza hansısa cəzaçəkmə müəsisəsində həyata keçiriləcək. Çünki azadlığın məhdudlaşdırılması cəzaçəkmə müəsisəsindən kənarda məhdudlaşdırılma deməkdir. Yəni bu normalar hakimlərə alternativ imkanlar yaradacaq. Məsələn, Mehman Hüseynov birbaşa həbsə göndərilib, amma indiki halda onun azadlığı məhdudlaşdırıla bilər. Bu aspektdən baxanda, bu, daha yüngülləşdirici addımdır”. 

Ə. Məmmədli vurğulayıb ki, ümumi tendensiyaya baxanda, Cinayət Məcəlləsində söz və ifadə azadlığına qarşı hər hansı bir formada maddə qalırsa, cinayət əməli hesab edilib insanlar cəzalandırılırsa, bu, birmənalı olaraq Avropa İnsan Haqları Məhkəməsinin yuridiksiyası aspektindən ifadə azadlığının pozuntusu kimi qiymətləndiriləcək: "Bu baxımdan yaxşı olar ki, hökumət diffamasiya ilə bağlı qanun qəbul edərək bu maddələri Cinayət Məcəlləsindən çıxarsın”.
 
Mətbuat Şurasının İdarə Heyətinin üzvü Yadigar Məmmədli deyir ki, azadlıqdan məhrumetmə daha yumşaq cəza mexanizmidir:
 
 
"Bütövlükdə isə o fikirdə qalıram ki, Azərbaycanın Cinayət Məcəlləsindən bu maddələr götürülməlidir. Demək olar ki, tətbiq olunmur, amma yenə də diffamasiya ilə bağlı qanunun qəbul olunmasının tərəfdarıyam”.
 
Gülzar N. Məmmədli
Toplum TV


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo